6.6 ഗോമതി
ജ്ഞാനിയായവനോ
നായകാ, വന്ദനം.
എല്ലാ ജീവികളെക്കാളും ഉയർത്തപ്പെട്ടവൻ.
നീയാണ് വേദനയിൽ നിന്നും മോചിപ്പിച്ചത്.
എന്നെയും മറ്റുപലരെയും എല്ലാ വ്യഥകളും ഞാൻ അതിജീവിച്ചിരിക്കുന്നു. ആകാംക്ഷയെ, അതിന്റെ കാരണത്തെ ഇല്ലാതാക്കി വിശ്വാസങ്ങളുടെ പാത നിർമ്മിച്ചു.
അതിന്റെ പാരമ്യത്തെ സ്പർശിച്ചു.
മുൻപ് ഞാനൊരമ്മയായിരുന്നു മകൻ, അച്ഛൻ, സഹോദരൻ, മുത്തശ്ശി
അന്യനെ ശരിയായി മനസ്സിലാക്കാതെ ഞാൻ വിശ്രമമില്ലാതെ അലഞ്ഞു. ഇപ്പോൾ ഞാൻ ജ്ഞാനിയെ കണ്ടിരിക്കുന്നു.
ഇതാണെന്റെ അവസാന കുമ്പിടൽ
ജനനവും അലച്ചിലും പൂർണമായി കഴിഞ്ഞു.
ഇനി ഒന്നും ആയിത്തീരാനില്ല. അവിടെ വിശ്വാസികൾ കൂടിയത് കാണുന്നു. ആവേശമായി ഉണർത്തുപാട്ട് നിശ്ചയദാർഢ്യത്തോടെ സ്ഥിരതയോടെ ശക്തമായ ധ്യാനത്തിലേക്ക്
ഇതാണ് ബുദ്ധരുടെ ആരാധന
പലരുടേയും നന്മയ്ക്ക് വേണ്ടിയാണ് മായ ഗൗതമന് ജന്മം നൽകിയത്
രോഗത്തിലും മരണത്തിലും മറ്റുള്ളവരുടെ വേദനയുടെ കൂമ്പാരമൊഴിപ്പിക്കാനായി.
6.7 ഗത്ത
ഗത്ത, നീ നിന്നെ ലക്ഷ്യത്തിൽ അർപ്പിക്കുക. എന്തിനു വേണ്ടിയാണോ നീ നിന്റെ പുത്രനെ കുറിച്ചുള്ള പ്രതീക്ഷകൾ ഉപേക്ഷിച്ചത് മുന്നോട്ടുപോയത്.
മനസ്സിനെ പ്രലോഭനത്തിൽ വീണു പോകരുത്.
മനസ്സിന്റെ വലയത്തിൽ വച്ച്
മാരന്റെ സാമ്രാജ്യത്തെ സ്നേഹിച്ച് നിരവധി ജനങ്ങളിലൂടെ അറിയാതലഞ്ഞ്
ഈ ചങ്ങലകൾ ഉപേക്ഷിക്കുക.
അനാത്മികമായ വേരുകൾ , വിദ്വേഷം, അഹന്ത, ശീലങ്ങളും ചെയ്തികളും
അഞ്ചാമതായി നിശ്ചയമില്ലായ്മ
നീ അവയിലേക്ക് വീണ്ടും തിരിച്ചു വരരുത്
ആഗ്രഹം ,കൽപ്പനകൾ, അറിവില്ലായ്മ, വിശ്രമമില്ലായ്മ എന്നിവയുടെ ചങ്ങലകൾ ഉപേക്ഷിച്ചു. നീയിനി ദുഃഖങ്ങൾക്കും ദുരിതങ്ങൾക്കും അറുതി വരുത്തുക
ജനനവും അലച്ചിലും ഉപേക്ഷിച്ച്
ഉള്ളതെല്ലാം ഉപേക്ഷിച്ച് വിശപ്പിൽ നിന്ന് മുക്തി നേടുക
ഇതാ ഇപ്പോൾ ഇവിടെ നീ പൂർണമായും ശാന്തയാകുവാൻ പോകുന്നു. നിങ്ങൾ പൂർണമായി ശാന്തമാകാൻ പോകുന്നു
7.2 കാല
കാല :
മനസ്സ് വീണ്ടും ഉണർന്ന് പൂർണയായ സന്യാസിനിയായി
ശാന്തിയുടെ ഘട്ടത്തിലൂടെ കടന്ന്
എല്ലാത്തരം ഭാരവും വെടിഞ്ഞ് അവൾ അനുഗ്രഹീതയായി
മാര:
ആരുടെ ഇഷ്ടപ്രകാരമാണ് നീ തലമുണ്ഡനം ചെയ്തത് നിന്നെ ധ്യാനനിരതയെപോലെ തോന്നുന്നു
പക്ഷേ അത്തരമൊരു തത്വശാസനത്തെ അംഗീകരിക്കാൻ പിന്നെ നീ എന്തിനാണിവിടെ സംശയത്തോടെ അലയുന്നത്.
കാല:
തത്വജ്ഞാനികളുടെ ഇടത്തിന് പുറത്ത് അവർക്ക്
ധർമ്മം അറിയില്ല
അവർ ധർമ്മം ഉപയോഗിക്കുന്നില്ല
പക്ഷേ അവിടെ ഉണർത്തപെട്ടവനുണ്ട്
സംഖ്യകുലത്തിൽ ജനിച്ചവൻ
സമാഹരിച്ചൊരുവൻ അവനെന്നെ ധർമ്മം പഠിപ്പിച്ചു
എനിക്കെന്റെ വീക്ഷണങ്ങളെ മറികടക്കാനായി പിരിമുറുക്കം
അതിന്റെ ഉത്ഭവം അതിജീവനം
കുലീനമായ അഷ്ടാംഗമാർഗം പിരിമുറുക്കത്തെ തടയുന്ന മാർഗ്ഗവും.
ഞാൻ അവന്റെ വാക്കുകളിൽ ആകൃഷ്ടനായി
മൂന്ന് അറിവുകളും നേടി ബുദ്ധന്റെ ആജ്ഞകൾ അനുസരിച്ചു
ഇരുട്ടിന്റെ പിണ്ഡത്തെ പൊട്ടിച്ചു കളഞ്ഞു
അറിയുക, ദുർദേവതേ നാശകാരീ
നീ നശിപ്പിക്കപ്പെട്ടിരിക്കുന്നു.
7.3 ഉപകാല
ഉപകാല:
ശ്രദ്ധാലുവായതിനാൽ എല്ലാം കാണുന്നതിനുള്ള കണ്ണുള്ളത് കൊണ്ട് വികസിത പ്രജ്ഞയായ സന്യാസിനി ആയതുകൊണ്ട് ശാന്തിയിൽ അവൾ ആഴ്ന്നിറങ്ങി
സാധാരണക്കാർക്ക് കഴിയാത്തവിധം
മാര:
എന്തുകൊണ്ടാണ് നിങ്ങൾ ജനനത്തെ അംഗീകരിക്കാത്തത്
ഒരാൾ ജനിക്കുന്നു സന്തോഷങ്ങൾ അംഗീകരിക്കുന്നു വൈകാരികമായി ആനന്ദിക്കുന്നു പശ്ചാത്താപത്തിൽ ഉരുകുന്നില്ല.
ഉപകാല :
ജനിച്ചവർക്ക് എല്ലാം മരണമുണ്ട് കൈകാലുകളുടെ ബന്ധങ്ങളുടെ പീഡനങ്ങളുടെ
വേദനകളുടെ വേർപാടുകളുണ്ട്
ജനനം ഉള്ളവൻ വേദനിക്കേണ്ടിവരുന്നു എന്നാൽ ശരിയായ ജ്ഞാനം ലഭിച്ചവൻ ഉണ്ട് തോൽപ്പിക്കാൻ കഴിയാത്തവൻ
ശാക്യകുലത്തിൽ ജനിച്ചവൻ
അവനാണെന്നെ ധർമ്മം പഠിപ്പിച്ചത്.
ജനനത്തെ അതിജീവിക്കാനായി കുലീനമായ അഷ്ടാംഗമാർഗവും
അവരുടെ വാക്കുകൾ കേട്ട് ഞാൻ കഴിയുന്നു സന്തുഷ്ടയായി മൂന്നു ജ്ഞാനങ്ങളും ഞാൻ നേടി ബുദ്ധന്റെ ആജ്ഞ കേട്ട് എല്ലായിടത്തും ആഘോഷങ്ങൾ തോൽപ്പിക്കുന്നു
ഇരുട്ടിന്റെ പിണ്ഡം പൊട്ടിത്തകർന്നു. അതുകൊണ്ട് അറിയുക ദുർദേവതേ നാശകാരി നിന്നെ ഞാൻ അതിജീവിച്ചിരിക്കുന്നു.
8. ശിശുപകാല
ശിശുപകാല:
ഒരു സന്യാസിനി ധർമ്മത്തിന്റെ ഉന്നതിയിൽ അവളുടെ കഴിവുകൾ നിയന്ത്രിതമാകുമ്പോൾ അവൾ സമാധാനത്തിന്റെ കൊടുമുടിയിൽ എത്തി ഒരിക്കലും നശിക്കാത്ത ഒരു പോഷണം പോലെ.
മാര:
മുപ്പത്തിമുക്കോടി ദേവന്മാരു കാരണം
സൃഷ്ടിയിൽ ആഹ്ലാദിക്കുന്നവൻ
എല്ലാം നിയന്ത്രിക്കുന്നവൻ നിന്റെ മനസ്സ് അങ്ങോട്ട് തിരിക്കുക നീ മുമ്പ് ജീവിച്ച ഇടത്തിലേക്ക്
ശിശുപകാല :
മുപ്പത്തിമുക്കോടി ദേവന്മാരും കാരണം
സംതൃപ്തരായവർ സൃഷ്ടിയിൽ ആഹ്ലാദിക്കുന്നവൻ
അവർ വീണ്ടും വീണ്ടും അനശ്വരരും നശ്വരരും ആയി അഹന്തയാൽ വലയം ചെയ്യപ്പെട്ട്
അതിനപ്പുറമെന്നാണ് ജനന മരണങ്ങളെ ഓർക്കുന്നത്. ലോകം കത്തിയെരിയുന്നു ലോകത്തിന് തീ പിടിച്ചിരിക്കുന്നു
ലോകം ഒരു തീഗോളമാകുന്നു ലോകം ഇളകിയാടുന്നു ഇളകാത്തത്
താരതമ്യമില്ലാത്തത്
ബുദ്ധൻ എന്നെ പഠിപ്പിച്ച ധർമ്മം മാത്രം
ഓടിപ്പോകുന്നവൻ മനസ്സിലാക്കാത്തവൻ അവിടെയാണ് എന്റെ ഹൃത്തിന്റെ ആനന്ദം. അവന്റെ വാക്കുകൾ കേട്ട് ഞാനിരിക്കുന്നു.
അവന്റെ വിളിയിൽ ആഹ്ലാദിച്ച്
മൂന്നു ജ്ഞാനങ്ങളും ലഭ്യമായിരിക്കുന്നു ബുദ്ധന്റെ ആഹ്വാനം കൈക്കൊണ്ടിരിക്കുന്നു. ആഘോഷങ്ങൾ തോൽപ്പിക്കപ്പെട്ടിരിക്കുന്നു. ഇരുട്ടിന്റെ പിണ്ഡം പൊട്ടിച്ചിതറിയിരിക്കുന്നു അതുകൊണ്ട് അറിയുക, ദുർദേവതേ നാശകാരി നിന്നെ ഞാൻ അതിജീവിച്ചിരിക്കുന്നു.
Share
