മറ്റൊരു ലോകത്ത്

പരിഭാഷ: രോഷ്നി സ്വപ്ന

റസാക് മാലിക്

(നൈജീരിയ )

മറ്റൊരു ലോകത്ത്
ഞാൻ
വിലാപത്തിന്റെ
ശാശ്വത ഭ്രാന്തിലൂടെ കടന്നുപോകാത്ത
മക്കളുടെ
അച്ഛനാകാൻ
ആഗ്രഹിക്കുന്നു

ആചാരങ്ങളിലകപ്പെടാതെ

എന്റെ കുട്ടികൾ
മൃതദേഹങ്ങളായി വീട്ടിലേക്ക് മടങ്ങുന്നത് കാണാൻ
ഞാനാഗ്രഹിക്കുന്നില്ല

പ്രാർത്ഥന ഒരു
പായ പോലെ
മടക്കിക്കളയുന്ന
ഒരു ജന്മനാടിന്റെ കഥകൾ പറയുന്ന രാത്രികൾ ഞാൻ കൊതിക്കുന്നു

എന്റെ കുട്ടികൾ
ഒരു പായ വിരിച്ച്
അതിൽ
ഉറങ്ങണമെണമെന്ന്
ഞാൻ ആഗ്രഹിക്കുന്നു.

എന്റെ വീടിന് പുറത്ത് മതിലുകൾ ഇല്ലാതെ കളിക്കണം അവർ

റൈഫിളുകളാൽ വലിച്ചുകീറാത്ത വീടുകളിൽ
എന്റെ കുട്ടികളെ കാണാൻ
ഞാൻ ആഗ്രഹിക്കുന്നു.

അവരുടെ മാതൃരാജ്യത്തിന്റെ പേര് പാരായണം ചെയ്യാൻ….

പ്രാർത്ഥന, വേട്ടയാടപ്പെടാതെ തെരുവുകളിൽ ഉല്ലസിക്കാൻ

മുൾപടർപ്പിലെ മൃഗങ്ങൾ, കൊല്ലപ്പെടാതെ

മറ്റൊരു ലോകത്ത്…

എനിക്ക്

എന്റെ കുട്ടികൾ
വെട്ടുകിളികളെ
മെരുക്കണമെന്ന്
ഞാൻ ആഗ്രഹിക്കുന്നു.

വയലിൽ,
സ്വീകരണമുറിയിൽ
അവരുടെ പാവകളുമായി കളിക്കാൻ,…

കാറ്റ് വീശുന്നതുപോലെ
അലയുന്ന പൂക്കളുടെ സുഗന്ധം ,

പക്ഷികൾ ചിറകുകൊണ്ട് ആകാശത്തെ അളക്കുന്നത് കാണാൻ

റസാക് മാലിക്.

(നൈജീരിയയിലെ ഇബാദാൻ സർവകലാശാലയിൽ നിന്ന് ബിരുദധാരിയാണ് റസാക് മാലിക്. മിഷിഗൺ ക്വാർട്ടർലി റിവ്യൂ, കവി ലോറെ, സ്പിൽ‌വേ, റാട്ടിൽ, ജങ്ക്ഡ്, കോനോട്ടേഷൻ പ്രസ്സ്, ഹെർട്ട് ഓൺ‌ലൈൻ, ഗ്രേ സ്പാരോ, ജലഡ, തുടങ്ങി വിവിധ ജേണലുകളിൽ അദ്ദേഹത്തിന്റെ കൃതികൾ പ്രത്യക്ഷപ്പെട്ടു അല്ലെങ്കിൽ വരാനിരിക്കുന്നു. ബെസ്റ്റ് ഓഫ് നെറ്റിനായി രണ്ടുതവണ നോമിനിയാണ് അദ്ദേഹം. പുഷ്കാർട്ട് സമ്മാനത്തിനായി രണ്ടുതവണ നാമനിർദ്ദേശം ചെയ്യപ്പെട്ട അദ്ദേഹം 2017 ൽ ബ്രൂനെൽ ഇന്റർനാഷണൽ ആഫ്രിക്കൻ കവിതാ സമ്മാനത്തിനായി ഷോർട്ട്‌ലിസ്റ്റ് ചെയ്യപ്പെട്ടു)