ലോകകവിതാവായനകൾ,പരിഭാഷ: രോഷ്നി സ്വപ്ന, തോമസ് ട്രാൻസ്‌ട്രോമറുടെ രണ്ട് കവിതകൾ

സ്കാൻഡിനേവിയൻ കവിയും 2011 ലെ നോബൽ പ്രൈസ് ജേതാവുമായ തോമസ് ട്രാൻസ്ട്രോമറിന്റെ
ഒരു പുസ്തകത്തിൻറെ പേര് “”മെമ്മോറീസ് ലുക്ക് അറ്റ് മി”” എന്നാണ്.
ട്രാൻസ്ട്രോമർ ഓർമ്മക്കുറിപ്പുകളാണ് ഈ പുസ്തകത്തിൽ.

നിരവധി ലോകഭാഷകളിലേക്ക് വിവർത്തനം ചെയ്യപ്പെട്ട ട്രാൻസ്ട്രോമർ കവിതകൾ ഒരേസമയം നിഗൂഢവും ലളിതവുമാണ്.
ചില കവിതകളിൽ വല്ലാത്തൊരു നിസ്സഹായതയും കാണാം.
സമരത്തിനൊപ്പം ചലിപ്പിക്കേണ്ടി വരുന്നതിന്റെ അസുഖകരമായ, അദൃശ്യമായ നിസ്സഹായമായ അവസ്ഥകൾ ചില കവിതകളിൽ കാണാം. വേഗത്തിന്റെ പേടിപ്പിക്കുന്ന കുതിപ്പിനെ പ്രതിരോധിക്കുന്നു അദ്ദേഹത്തിൻറെ കവിതകൾ. നിശബ്ദതകളോടും ശൂന്യത കളോടുള്ള സംഭാഷണങ്ങൾ എന്ന് ഒറ്റവായനയിൽത്തന്നെ നിർവചിക്കാവുന്നതാണ് തോമസ് ട്രാൻസ്ട്രോമർ കവിതകൾ.
തേജോമയമായ ശാന്തത എല്ലാ കവിതകളിലും കാണാനാവുന്നു.
ഒരു കൂട്ടിൽനിന്ന് കിളിയെ കണ്ടെടുക്കുമ്പോലെ ഹൃദ്യമായ വായനാനുഭവം തരുന്നു ഇദ്ദേഹത്തിൻറെ കവിതകൾ. സ്ഥലകാലങ്ങളുടെ അടരുകളെ അതുവരെ അനുഭവിച്ചതിൽ നിന്ന് വ്യത്യസ്തമായാണ് ട്രാൻസ്ട്രോമർ കവിതകളിൽ കാണാൻ കഴിയുക.
മനസ്സ് കവിഞ്ഞൊഴുകും ബാഹ്യ ശരീരം ഒന്നുമല്ലാതെ ആവുകയും ചെയ്യും ട്രാൻസ്ട്രോമറിനെ വായിക്കുമ്പോൾ.
സ്വപ്നങ്ങളെ പകർത്തുമ്പോൾ ഈ കവിയുടെ ഭാഷ പക്ഷിയെ പോലെ ആകുന്നു

“അടുക്കള മേശമേൽ പിയാനോ കട്ടകളെ
വരച്ചു വെച്ച
ഒരു സ്വപ്നം കണ്ടു
ഞാൻ ഞാൻ അത് വായിച്ചു ശബ്ദങ്ങൾ ഒന്നും ഇല്ലാതെ തന്നെ.
അയൽക്കാർ
കേൾക്കാൻ വന്നു “

എന്നെഴുതുവോളം സാന്ദ്രമാണത്.