ഉടലെഴുത്ത്:ഓഡ് റേ ലോർഡ്, വിവർത്തനം: ഷൈമ പച്ച

ഒരുമിച്ചാൽ
നമ്മുടെയുടലുകളടുത്താൽ
രചിക്കാമെളുപ്പം
പേപ്പറിനും പെന്നിനുമില്ല
അതിൽ കരുതലോ കാര്യമോ
നാമെഴുതിയാലെന്ത് ഇല്ലെങ്കിലെന്ത്
എന്നാലെൻ്റെ തൊടലുകളിൽ
ഉണർന്നക്ഷ്മരായി
നിൻ്റെ ഉടലനക്കങ്ങൾ
കെട്ടങ്ങഴിക്കുന്നു നമ്മൾ
നിൻ്റെ തുടകളിൽ നീയെന്നെ വരയ്ക്കുന്നു
ചിത്ര കുന്നുകൾ
വാക്കതിർത്തികൾ കടന്ന്
എൻ്റെയുടൽ
നിൻ്റെ മാംസത്തിലെഴുതുന്നു
കവിതയായി
നീ ഉടലെഴുതിയ എന്നെ.
നിന്നെ തൊടുമ്പോൾ
പാതിരാവെൻ്റേതാകുന്നു
എൻ്റെ തൊണ്ടയിൽ
നിലാവെരിയുന്നു
നീ തുടുത്ത് വിടരുന്നത്
എനിക്ക് പ്രിയങ്കരം
നിന്നെ ഞാനെഴുതുന്നു
ഞാൻ രചിച്ച നിന്നെ
ഞാൻ തൊട്ടറിയുന്നു.

Recreation
BY AUDRE LORDE
Coming together
it is easier to work
after our bodies
meet
paper and pen
neither care nor profit
whether we write or not
but as your body moves
under my hands
charged and waiting
we cut the leash
you create me against your thighs
hilly with images
moving through our word countries
my body
writes into your flesh
the poem
you make of me.

Touching you I catch midnight
as moon fires set in my throat
I love you flesh into blossom
I made you
and take you made
into me.

കറുത്ത, ലെസ്ബിയൻ ആയ, അമ്മയായ, പോരാളിയായ കവിയായി സ്വയം അടയാളപ്പെടുത്താൻ ആഗ്രഹിച്ച ഓഡ്റെ ലോർഡ് കറുത്ത പെൺ/ ശരീരത്തിൻ്റെ ജീവിതത്തിൻ്റെ പല മാനങ്ങളെ തൻ്റെ എഴുത്തുകളിലൂടെ ആവിഷ്കരിച്ചു. ആഗ്രഹങ്ങളുടെ, പ്രതിഷേധങ്ങളുടെ, അവകാശങ്ങളുടെ രോഗങ്ങളുടെ, എഴുത്തിൻ്റെ ഇടമായി കറുത്ത / പെൺ ശരീരം ലോർഡിൻ്റെ വാക്കുകളിലൂടെ രേഖപ്പെടുന്നു.

വിവർത്തനം: ഷൈമ പച്ച