കവിപരിചയം : സുകുമാരൻ ചാലിഗദ്ധ

ശരിക്കും പേര് ബേത്തിമാരൻ.വയനാട് ജില്ലയിലെ മാനന്തവാടി കുറുവാ ദ്വീപിനോടും കബനിപ്പുഴയോടും ചേർന്ന്‌ കിടക്കുന്ന ചാലിഗദ്ധ എന്ന ചെറിയ വനഗ്രാമത്തിലാണ് താമസിക്കുന്നത് .ഇവിടെത്തന്നെയാണ് ജനനം . അച്ഛൻ രാജൻ , അമ്മ മാച്ചി . റാവുള ഗോത്രമാണ് . (അടിയർ എന്നാണ് അറിയപ്പെടുന്നത് ) ലിപി ഇല്ലാത്ത സ്വന്തമായ റാവുള ഭാഷയുണ്ട് . മലയാളത്തിലും തനതു ഭാഷയിലും കവിത ,കഥ , പാട്ട് ,എന്നിവ എഴുതുണ്ട്പാൽവെളിച്ചം, പയ്യമ്പള്ളി , മാനന്തവാടി ,കാട്ടിക്കുളം എന്നീ സ്കൂളുകളിൽ പഠിച്ചു .പിന്നീട് മേച്ചേരി കോളേജിലും , നളന്ദ കോളേജിലും വിദ്യാഭ്യാസം ചെയ്തു. വയനാട് FM റേഡിയോയിൽ 6 വർഷത്തോളം ജോലി ചെയ്തു. ചെറു ചിത്രീകരണങ്ങളും നാടകങ്ങളും ,പാട്ടുകളും ,കഥകളും ചെയ്യാൻ സാധിച്ചു. .2008 ൽ തിരക്കഥാകൃത്ത് സിജു അഗ്രഗാമിയുടെ സ്ക്രിപ്റ്റ് അസിസ്റ്റൻ്റായി പോയി. ഇപ്പോഴും എഴുതുന്നുണ്ട് . ഒപ്പം കവിതയും കൂട്ടി. തിരക്കഥയും സ്വന്തമായി എഴുതുന്നുണ്ട് .സ്വന്തമായി പാട്ടെഴുതി . (കുറു കുറെ ബ്രോസ് .).നാടകം , സിനിമ , ഷോട്ട് ഫിലിം എന്നിവയിലെല്ലാം അഭിനയിച്ചിട്ടുണ്ട് .കേരള സാഹിത്യ ഫെസ്റ്റിവെലിൽ രണ്ടു തവണ അതിഥിയായിട്ടുണ്ട് . പട്ടാമ്പി കാർണിവലിൽ കവിയരങ്ങിൽ രണ്ടു തവണ പങ്കെടുത്തു ഒരു മണിക്കൂറോളം കവിത ഒറ്റയ്ക്ക് ചെയ്തിട്ടുണ്ട് .സൗത്തിന്ത്യൻ സാഹിത്യ ഫെസ്റ്റിവെല്ലിൽ ചെന്നൈയിൽ ഒരു തവണ പങ്കെടുത്തു.മാതൃഭൂമി , മാധ്യമം , പച്ചക്കുതിര ,മാധ്യമം ഗൾഫ് ചെപ്പ് , ഓറ , ദേശഭിമാനി ,തോർച്ച ,ഭാഷാപോഷിണി ,കാക്ക ,അരണ്യം ,പാഠഭേദം മാസിക , നീലം മാസിക, തമിഴ് –ഇന്ത്യൻ ലിറ്ററേച്ചർ, സാഹിത്യ അക്കാദമി പ്രസിദ്ധീകരണങ്ങൾ ഇവയിലും കവിതകൾ വന്നിട്ടുണ്ട് ,ഇരുപത്തിയൊന്നാം നൂറ്റാണ്ടിലെ നേതാവ്,ഡോ ബി ആർ അംബേദ്ക്കർ, സോഷ്യലിസ്റ്റ് പാഠശാല മാസിക , ഇ.എം.സ് ലൈബ്രറി ഞാറാഴ്ചക്കൂട്ടം, ഓർമ്മപ്പുസ്തകം എന്നിവയിലും കവിതകളും അഭിമുഖവും വന്നിട്ടുണ്ട്.ഒന്നിപ്പ് , മാർഗ , മെറൂൺ , ട്രൂകോപ്പി, നീർമാതളം ,ചൂട്ട് , Wtp live,ട്രൂകോപ്പി, ആത്മ , ഇതൾ , Indian express online ,എന്നീ ഓൺലൈൻ മാസികകളിലും കവിതകൾ വന്നിട്ടുണ്ട് ഇനിയും വരാനുമുണ്ട് .ഹാവൻ മലയാളം സംഘടിപ്പിച്ച ഓൺലൈൻഇൻ്റർനാഷണൽ കവിയരങ്ങിൽ വിശിഷ്ടാതിഥിയായി പങ്കെടുത്തിട്ടുണ്ട്.

കേരള സർക്കാർ സംഘടിപ്പിച്ച റാന്തൽ സാഹിത്യപരിപാടിയിൽ അതിഥിയായി പങ്കെടുത്തിട്ടുണ്ട് .ആഫ്രോ-അമേരിക്കൻ കവികളുമായിഉലക കവിയരങ്ങിൽ ക്ലബ്-ഹൗസ്സിൽ പങ്കെടുത്തിട്ടുണ്ട് .കേരള സർക്കാർ മലയാള മിഷൻ ‘പയമേ പണലി’ യിൽ കവിതകൾ വന്നിട്ടുണ്ട് .പുരസ്ക്കാരങ്ങൾ ലഭിച്ചിട്ടില്ല .പുസ്തകം ഇറക്കാനുള്ള തയ്യാറെടുപ്പിലാണ് .കേരളത്തിൽ വിവിധ കവിയരങ്ങുകളിൽ പങ്കെടുത്തിട്ടുണ്ട് . കവിതകൾ ഒരുപാട് എഴുതിയിട്ടുണ്ട് എണ്ണമറിയില്ല . സർക്കാർ ജോലിയില്ല .കൂലിപ്പണിയാണ് .കേരളത്തിലെ നാൽപ്പതു ഗോത്രകവികളെ കണ്ടെത്തി ഒരു കവിതാ സമാഹാരം ഇറക്കുന്നതിൽ പങ്കാളിയായി .അതിൻ്റെ എഡിറ്ററാണ് . DC Books ആണ് ഇറക്കിയത്.*

Sukumaran Chaligatha